買美股vs買港股

上一篇提到自己的組合有90%系美股，只有10%系港股，今日想寫下背后的邏輯。

首先，組合內美股包括左阿里巴巴，占了組合的1/3，調整后真正美股的比例應該系55%左右。不過從2016年開始，自己已經好少買進港股，只有中移動、長和同大酒店，而且金額加起來只占組合的5%。同一時間，自己卻買了6只美股，包括蘋果和迪斯尼，以金額來計差異更加大。

對我來講，其實買美股有幾個問題/壞處：1) 隔山買牛，好難全面理解股票的業務同變化；2) 收股息會被扣30%股息稅; 3) 交易時間差異，半夜市場有異動既話，無法做出反應（可能系好處，哈哈）。上述美股的缺點，其實就是買港股的優點，特別是30%股息稅，真系好肉赤呀！

不過港股有幾個大問題，令我忍痛投資美股。首先，具質素的股票真系鳳毛麟角，老千股就一大堆；新經濟股份更是少之又少，來來去去就是騰訊、長和、恒生、匯豐，仲有無….. ?? 其次，很多華資老板都非常進取，賺左錢就身痕，到處投資新業務、新市場，倒錢落咸水海；最后，投資者保護真系有等于無，大部分董事會都系大股東控制左，又無集體訴訟權，根本無法迫使大股東和董事會提升股東回報。 所以用價值投資法投資港股其實比美股困難得多，就算你計算到間公司值100億，但是市價可能永遠都系40億，除非突然出現催化劑。

相對而言，美股就是不一樣，有全世界最優秀的股票隨便揀，唔鐘意Google，可以買Facebook，都唔鐘意仲有蘋果、微軟、亞馬遜… 又或者飛機制造商、晶片制造商、Nike, 任君選擇。其次，自己特別欣賞美國公司的專注，有所不為的取舍。舉個例子，Starbucks就系賣咖啡，你唔會聽到它無剌剌話要開茶餐廳來開拓業務既。又舉個例子，蘋果在全世界的旗艦店，都位于市中心最優越的商場/地點，租金非常高昂。如果以華人的角度來睇，一定系買埋個鋪，反正過10年一定升值，而且蘋果手上的2千幾億現金夠買有突。但系蘋果無行呢條路，有人會覺得蘋果傻，但對我來講，這種取舍先是對股東負責任的決定。

最后值得一提的是，美國公司點樣運用、分配資本。自己非常留意現金流量表，特別是自由現金流（經營現金流 – 固定資產投資），因為這個數字代表有幾多錢可以回饋股東。只要你多觀察幾家相對成熟的公司，就會發現好多美國公司都會用自由現金流來派發股息，以及回購股份，例如蘋果。當然，股神的巴郡、Google、Facebook、Amazon等公司從來都唔派發股息，但這樣做就需要以長期的回報去證明保留盈利投資的決定。

上述幾個因素，令我覺得投資美股長遠而言系最佳的選擇。